Мядзел турыстычны
Мядзел інфармацыйны
 Мядзел дзелавы
Рус
En
Бел

Адрас:
222397 г. Мядзел, пл. Леніна, 1
Тэлефон: 8 01797 55-3-72
Гарачая лінія:
8 01797 55-3-72

Апытанне
пытанне1

Навіны вобласці

10 кастрычніка 2019

Як Барысаў падрыхтаваўся да абласных «Дажынак-2019»

Шматгадовая гісторыя горада на Бярэзіне папоўнілася яшчэ адной важнай падзеяй. Барысаў упершыню прыме ў сябе лепшых працаўнікоў вёскі з усёй Міншчыны. Будаўнікі пастараліся на славу, каб сталіца абласных «Дажынак-2019» папрыгажэла да свята.

За межамі нашай краіны Барысаў асацыюецца з футбольнай камандай БАТЭ і «Барысаў-Арэнай».

А яшчэ тут выпусцілі першы беларускі легкавы аўтамабіль, працуе адзін з найстарэйшых у краіне малочных заводаў, прадукцыю якога пад гандлёвай маркай «Здравушка» ведаюць у многіх кутках свету. Сюды варта прыехаць, каб палюбавацца прыгажосцю і непаўторнасцю мясцовай прыроды, убачыць Бярэзіну, знакамітую Шухоўскую вежу, дакрануцца да легенд старажытнага горада.

Адрамантаваны дзясяткі будынкаў, дарогі, тратуары. Добраўпарадкаваны вуліцы, цэнтральная плошча, Палац культуры. Прыемна прайсціся па горадзе і парадавацца пераменам.

Барысаў змяніўся не толькі таму, што рыхтаваўся да свята працаўнікоў вёскі, але і дзякуючы комплексным планам паскоранага развіцця Барысаўскага рэгіёну.

Вялікая праца пачалася ў гэтым годзе і працягнецца ў далейшым. Чакаецца рэалізацыя такіх важных для Барысава праектаў, як рэканструкцыя вуліцы Гагарына, будаўніцтва маставога пераходу праз Бярэзіну, будаўніцтва пуцеправода праз чыгунку, узвядзенне трэніровачнай лядовай арэны і іншых не менш значных аб'ектаў.

Ідзе праца па мадэрнізацыі сістэмы аховы здароўя. Адно з значных напрамкаў — арганізацыя паўднёва-тэрытарыяльнага цэнтра спецыялізаванай медыцынскай дапамогі.

У хуткім часе жыхары Барысаўскага і бліжэйшых раёнаў змогуць атрымаць у горадзе медыцынскую дапамогу не горш, чым у абласной клінічнай бальніцы. Закупляюцца медыцынскае абсталяванне, спецыяльны транспарт, ідзе рамонт памяшканняў. Новы кабінет магнітна-рэзананснай тамаграфіі працуе ў двухзменным рэжыме.

У цэнтральнай раённай бальніцы ўзвялі шматфункцыяльны корпус з сучасным абсталяваннем. Ёсць ангіёграф і кампутарны тамограф. Яшчэ адзін важны і неабходны праект для горада - дзіцячы шматпрофільны корпус, які пабудуюць на тэрыторыі бальніцы. Праект гатовы, камунікацыі падведзены.

Сур'ёзная рэканструкцыя спатрэбілася Палацу культуры імя Горкага, які з'яўляецца пляцоўкай для большасці культурных падзей райцэнтра. Ён стаў сучасным і зручным, створаны ўмовы і для людзей з абмежаванымі магчымасцямі. Пастаянную прапіску тут атрымаў буфет з маладзёжнай зонай.

Яшчэ адзін важны аб'ект - цэнтральная раённая бібліятэка ім. І. Х. Каладзеева. Маштабны рамонт стаў добрым падарункам да 100-гадовага юбілею. Яго бібліятэка адсвяткавала ў 2019 годзе. Цяпер тут светла і цёпла. Абноўлены таксама хол для выставачных праектаў. Зона «Арт-квартал» чакае новую экспазіцыю ў межах Тыдня Германіі. Бібліятэка - сацыякультурны цэнтр горада. У апошнія гады там створаны зала літаратуры на замежных мовах, сектар рэдкай кнігі і калекцыя аўтографаў. Сфарміраваны аддзел галерэйна-выставачнай дзейнасці, у складзе якога карцінная галерэя заслужанага дзеяча мастацтваў Беларусі Валерыя Шкаруба. Ёсць мастацкая галерэя «З'ява», музейна-выставачны комплекс «Партнёры. Сябры. Пабрацімы.» У бібліятэцы працуе мемарыяльна-выставачная зала І. Х. Каладзеева і гісторыі вайны 1812 года.

Добраўпарадкаванне і рамонтныя работы закранулі кожную школу, спартыўны аб'ект. Абноўлены фасады будынкаў, на прылеглых тэрыторыях з'явіліся арт-аб'екты і малыя архітэктурныя формы. Са святам супала яшчэ адна доўгачаканая падзея - адкрыццё сярэдняй школы №25 у новым мікрараёне горада, які хутка расце.

- Мы ўпершыню прымаем абласны фестываль-кірмаш працаўнікоў вёскі, - кажа старшыня Барысаўскага райвыканкама Генадзь Дэнгалёў. - З аднаго боку, гэта вельмі адказна, з другога - дае магчымасць комплексна падысці да вырашэння многіх праблемных пытанняў: добраўпарадкаваць горад, павысіць турыстычны патэнцыял раёна, умацаваць пазіцыі сельскагаспадарчай галіны. І мы максімальна эфектыўна выкарыстоўвалі гэтую магчымасць. Былі выдзелены сродкі з абласнога бюджэту. Сур'ёзную дапамогу аказалі мясцовыя прадпрыемствы і арганізацыі розных формаў уласнасці. Не засталіся ўбаку і жыхары, сканцэнтраваўшы намаганні на добраўпарадкаванні асабістых падворкаў. Такім чынам яны таксама ўнеслі ўклад у фарміраванне іміджу горада. Мы працавалі па ўсіх напрамках: займаліся інжынернымі сеткамі, добраўпарадкаваннем двароў і дарог, капітальным рамонтам жылога фонду, устаноў аховы здароўя, адукацыі, культуры, будаўніцтвам жылля. Працавалі на вынік, як і нашы аграрыі, якіх мы сёння ўшаноўваем.

Ад усёй душы жадаем тым, хто прысвяціў жыццё высакароднай і нялёгкай сялянскай працы, моцнага здароўя, дабрабыту і шчасця! Дзякуем ім за адданасць сваёй справе, за неацэнны ўклад ва ўмацаванне эканомікі раёна, вобласці і нашай дзяржавы.

Дадаткова

Барысаў -буйны прамысловы цэнтр Мінскай вобласці. Па колькасці насельніцтва раён займае 2-е месца на Міншчыне. Тут пражывае 180 тысяч чалавек. Рэгіён валодае значным індустрыяльным патэнцыялам, аснову якога складае прамысловасць. Паспяхова развіваецца прадпрымальніцтва, прыватны бізнес.

Дэмаграфічная бяспека
Перамозе прысвячаецца
Першая Сусветная вайна на Мядзельшчыне 1914–1918 гг.
 АДР
2018 год – ГОД МАЛОЙ РАДЗІМЫ
Інтэрнэт-рэсурсы