Мядзел турыстычны
Мядзел інфармацыйны
 Мядзел дзелавы
Рус
En
Бел

Адрас:
222397 г. Мядзел, пл. Леніна, 1
Тэлефон: 8 01797 55-3-72
Гарачая лінія:
8 01797 55-3-72

Апытанне
пытанне1

Навіны рэспублікі

31 кастрычніка 2019

Нацыянальную мадэль службаў планавання сям'і і аховы мужчынскага здароўя распрацавалі ў Беларусі

https://blr.belta.by/society/view/natsyjanalnuju-madel-sluzhbau-planavannja-sjami-i-ahovy-muzhchynskaga-zdarouja-raspratsavali-u-belarusi-82601-2019/

Нацыянальную мадэль службаў планавання сям'і і аховы мужчынскага здароўя распрацавалі ў Беларусі, паведаміла начальнік аддзела медыцынскай дапамогі маці і дзецям Міністэрства аховы здароўя Людміла Лёгкая ў час круглага стала "Новая парадыгма ўстойлівага дэмаграфічнага развіцця: ключавыя элементы" ў Мінску, перадае карэспандэнт БЕЛТА.

"Я думаю, у пачатку наступнага тыдня мы яе накіруем усім зацікаўленым дзяржаўным органам, размесцім для грамадскага абмеркавання. Усе заўвагі і прапановы абавязкова ўлічым", - сказала Людміла Лёгкая.

Вялікі раздзел прысвечаны мужчынскаму здароўю. Паводле даных, заснаваных на зваротах пацыентаў, у 2018 годзе ў Беларусі на 100 тыс. мужчын старэйшых за 18 гадоў зарэгістравана 110,5 выпадку мужчынскай бясплоднасці. Сярод жанчын гэты паказчык амаль у восем разоў вышэйшы - 853,7 выпадку. "Справа не ў тым, што бясплодных мужчын менш, проста яны значна радзей да нас звяртаюцца", - растлумачыла начальнік аддзела. У прыватнасці, гэта звязана з тым, што мужчынская бясплоднасць - табуіраваная ў многіх краінах тэма. Тым не менш, паводле аператыўных даных, у Беларусі ў бясплодных сем'ях удзельная вага мужчынскай бясплоднасці складае 40 працэнтаў.

На сесіі "Здароўе і дабрабыт жанчын: кропкі росту" Міністэрства аховы здароўя прадставіла дзяржаўную палітыку ў галіне аховы здароўя ў аспекце жаночага здароўя.

Круглы стол арганізаваны пры падтрымцы нацыянальнага каардынатара па дасягненні Мэт устойлівага развіцця па праекце ПРААН/ЮНІСЕФ/ЮНФПА "Падтрымка функцыянавання архітэктуры кіравання працэсам дасягнення Мэт устойлівага развіцця Рэспублікі Беларусь", нацыянальным выканаўчым агенцтвам якога з'яўляецца Міністэрства замежных спраў Беларусі.

Дэмаграфічная бяспека
Перамозе прысвячаецца
Першая Сусветная вайна на Мядзельшчыне 1914–1918 гг.
 АДР
2018 год – ГОД МАЛОЙ РАДЗІМЫ
Інтэрнэт-рэсурсы